Birinshi jartyjyldyqta JІÓ-niń shynaıy ósimi ótken jyldyń sáıkes kezeńimen salystyrǵanda 7,1 paıyzǵa ósti
ASTANA. 13 tamyz. QazAqparat - Aldyn-ala derekter boıynsha, 2011 jylǵy qańtar-maýsymdaǵy jalpy ishki ónim kólemi aǵymdaǵy baǵalarda 10108,6 mlrd. teńgeni qurdy. 2010 jylǵy sáıkes kezeńmen salystyrǵanda naqty JІÓ-niń ósýi 7,1 paıyz boldy.
Bul aqparatty QR Statıstıka agenttiginiń baspasóz qyzmeti habarlap otyr.
Vedomstvonyń málimetterine sáıkes, JІÓ qurylymynda taýar óndirý úlesi 41, qyzmet kórsetý 52,4 paıyzdy qurady.
2011 jylǵy qańtar-shildede negizgi kapıtalǵa salynǵan ınvestıtsııalar kólemi 2337 mlrd. teńgeni qurdy. Bul ótken jylǵy sáıkes kezeńge qaraǵanda 0,3 paıyzǵa kóp.
Qysqa merzimdi ekonomıkalyq ındıkator 2011 jylǵy qańtar-shildede 2010 jylǵy qańtar-shildege qaraǵanda 106,2 paıyzdy qurdy. Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-niń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi.
