Birinshi jartyjyldyqta JІÓ-niń ósýi 2009 jyldyń sáıkes merzimimen salystyrǵanda 8 paıyzdy qurady
ASTANA. Tamyzdyń 12-ci. QazAqparat /Qanat Mámetqazyuly/ - Statıstıka agenttiginiń málimetterine qaraǵanda, 2010 jylǵy birinshi jartyjyldyqtaǵy jedel derekter boıynsha jalpy ishki ónim kólemi aǵymdaǵy baǵalarda 8733,0 mlrd. teńgeni qurady.
Atap aıtqanda, 2009 jylǵy sáıkes kezeńmen salystyrǵanda naqty JІÓ-niń ósýi 8 paıyzdy qurady. JІÓ qurylymynda taýar óndirý úlesi JІÓ-nen - 40,5, qyzmet kórsetý 56,8 paıyzdy quraǵan.
Budan bólek, 2010 jylǵy shildede 2009 jylǵy jeltoqsan aıymen salystyrǵanda elimizdegi tutyný baǵalarynyń ındeksi 104,6 paıyz shamasynda bolǵan. Sonymen qatar, azyq-túlik taýarlaryna baǵalar - 5,6 paıyz, azyq-túlik emes taýarlar - 3 paıyz, aqyly qyzmetter kórsetýge 4,8 paıyzǵa artty. Al ónerkásip ónimin óndirýshi kásiporyndar baǵalary 2010 jylǵy shildede 2009 jylǵy jeltoqsanmen salystyrǵanda 2,5 paıyzǵa ósken.
