Birinshi jartyjyldyqta jalpy ishki ónim 5,1 paıyzǵa ósti - E. Dosaev
ASTANA. 23 shilde. QazAqparat - Birinshi jartyjyldyqta jalpy ishki ónim 5,1 paıyzǵa ósti. Bul týraly búgin qańtar-maýsymdaǵy áleýmettik-ekonomıkalyq damý qorytyndylaryna arnalǵan Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
«Álemdik ekonomıka men syrtqy naryqtardaǵy belgisizdikterge qaramastan, 2013 jylǵy qańtar-maýsymda Qazaqstan ekeonomıkanyń oń ósimi qamtamasyz etildi. Aldyn ala esepteý boıynsha eldiń jalpy ishki ónimi jartyjyldyqta 5,1 paıyzǵa ósti. Ekonomıkanyń alty negizgi salasy boıynsha qysqamerzimdi ekonomıkalyq ındıkator 104,1 paıyzdy qurady»,- dedi mınıstr. Onyń sózine qaraǵanda, ekonomıkanyń ósýine turaqty makroekonomıkalyq ahýal septigin tıgizdi. Inflıatsııa aǵymdaǵy jyldyń maýsymynda 0,3 paıyzdy qurady. Al jyldyń basynan beri 2,7 paıyz deńgeıinde boldy. Jyldyq mándegi ınflıatsııa 5,9 paıyz deńgeıinde qalyptasty.
