Birinshi jartyjyldyqta otandyq munaı óńdeý zaýyttarynda 7 mln. 186 myń tonna munaı óńdeldi
ASTANA. 7 tamyz. QazAqparat - І jartyjyldyqtyń qorytyndysy boıynsha, munaı óńdeýshi otandyq zaýyttarda 7 mln. 186 myń tonnanyń munaıy óńdeldi.
Bul týraly Munaı jáne gaz mınıstrliginiń baspasóz qyzmetine silteme jasap Pm.kz. saıty habarlaıdy.
Bıyldyń alǵashqy jartyjyldyǵynda qazaqstandyq munaı óńdeý zaýyttarynda óńdelgen munaı kórsetkishi ótken jyldyń sáıkes kezeńindegi kórsetkishten 10,9 paıyzǵa kóp. Atap aıtqanda, esepti kezeńde 1 mln. 484 myń tonna benzın, 2 mln. 95 myń tonna dızel otyny, 1 mln. 773 myń tonna mazýt, 195 myń tonna avıakerosın óndirildi.
Eske sala ketsek, búginde elimizdiń munaı óńdeý salasynda úsh zaýyt bar. Olar: 1945 jyly iske qosylǵan Atyraý munaı óńdeý zaýyty, 1978 jyly jumys isteı bastaǵan Pavlodar munaı-hımııa zaýyty, 1985 jyly ashylǵan «Shymkent munaı óńdeý zaýyty. Búginde atalmysh zaýyttardy jańartý jumystary júrgizilip jatyr.
