Birinshi jartyjyldyqta operatsııalyq kiris 34,6 mlrd. teńgeni qurady - QTJ (FOTO)
«Qytaı, Qazaqstan, Reseı, Belarýs jáne Eýropa aýmaǵy arqyly ótetin baǵdar boıynsha konteınerlik tasymal segmentinde 5 jyldyń barasynda júk kólemi qarqyndy ósip keledi. 2016 jyldyń 1 jartyjyldyǵynda Qazaqstan arqyly Qytaı-Eýropa-Qytaı baǵytynda basyp ótken poıyzdar sany 2,4 esege ósti (177-den 429-ǵa deıin). Sonymen birge tranzıtten kelgen kiris tabystyń jalpy kóleminde 35 paıyzǵa jetti», - dedi A. Mamın Kólik qyzmetkerleriniń kúnine arnalǵan saltanatty jıynda.
Onyń sózine qaraǵanda, qazirgi kezde qyzmettiń tıimdiligi men qarjylyq nátıjelikti jaqsartý turǵysynda tıisti sharalar atqaralyp jatyr.
«1 jartyjyldyqta operatsııalyq kiris 34,6 mlrd. teńgeni qurap, bul kórsetkish ótken jyldyń sáıkes kezeńimen salystyrǵanda 2 eseden astam joǵary. Óndiristik úderisterdiń tıimdiligin arttyrý nátıjesinde negizgi kórsetkishter boıynsha TMD elderi temir joldary arasynda kósh bastap kelemiz. Osy rette jahandyq kóshbasshylar deńgeıine jetý maqsatyn aldymyzǵa qoıdyq», - dedi kompanııa basshysy.
