Birinshi jartyjyldyqta «Qazaqstan temir joly» UK» aktsıonerler qoǵamy kompanııalary tobynyń kirisi 25 paıyzǵa ósti
ASTANA. Shildeniń 29-y. QazAqparat /Janna Qorqytova/ - Kásibı mereke qarsańynda «Qazaqstan temir joly» Ulttyq kompanııasy» aktsıonerlik qoǵamy keshe, sársenbi kúni birinshi jartyjyldyqtaǵy jumysynyń qorytyndysyn shyǵardy.
«Qazaqstan temir joly» respýblıka ekonomıkasy men el turǵyndaryn temir jolmen tasymaldaý jónindegi suranysyn tolyǵymen qanaǵattandyryp keledi. Negizgi kórsetkish - júk aınalymy boıynsha, birinshi jartyjyldyqtaǵy júk aınalymy 100 mıllıard tekshemetrdi qurady. Bul ótken jyldyń sáıkes kezeńindegi kórsetkishten 13,6 paıyzǵa joǵary. Sondaı-aq, tasymal kólemi 14,7 paıyzǵa artty. Al, onyń ishinde ekcport kólemi - 25,3 ımport - 2,9 paıyzǵa ósti.
Sondaı-aq jolaýshylar tasymaly 6,4 paıyzǵa kóterildi. «QTJ» tobyna jatatyn kompanııalardyń kirisi 2009 jyldyń sáıkes merzimimen salystyrǵanda 25 paıyzǵa ósti.
Temirjolshylar sonymen birge, 2010 jyly temir jol taýarlary men qyzmet kórsetý túrlerin otandyq taýar óndirýshilerden satyp alýdyń úlesin 80 paıyzǵa jetkizdi.
Jyldyń alǵashqy jartysynda ulttyq kompanııa qarjylyq jaǵynan da jaqsy kórsetkishterge jetip otyr. 2009 jyldyń sáıkes merzimimen salystyrǵanda kompanııa kirisi 21,3 paıyzǵa artyp, josparly tapsyrma 5,1 paıyzǵa oryndaldy. Negizgi jumystaǵy shyǵyn kólemi 0,4 paıyzǵa, jalpy ákimshilik shyǵyndar 12,3 paıyzǵa únemdeldi.
Qozǵalys qaýipsizdigin qamtamasyz etýdiń jaǵdaıy da qalypty kúıde. 2010 jyldyń alǵashqy alty aıynda apatty jaǵdaılar kezdesken joq. Qozǵalys qaýipsizdigin buzý oqıǵalary 8 paıyzǵa, aqaýlyqtar - 27 paıyzǵa azaıdy.
