Birinshi jartyjyldyqta 32 myń sharshy metr jaldamaly baspana paıdalanýǵa berildi
ASTANA. 5 tamyz. QazAqparat - Qazaqstanda iske qosylǵan jalǵa beriletin úılerdiń aýdany 32 myń sharshy metrdi qurady, dep habarlady Qurylys jáne TKSh isteri jónindegi agenttiktiń baspasóz qyzmetinen.
«Aǵymdaǵy jyldyń qańtar-maýsym aılarynda Qazaqstanda 32 myń sharshy metrdiń jalǵa beriletin turǵyn úıleri, aýdany 25,4 myń sharshy metrdiń páterleri iske qosyldy jáne satyp alyndy», delingen vedomstvo habarlamasynda.
Bul túrǵyn úıler Almaty qalasynda, Aqtóbe, Almaty, Qaraǵandy, Qostanaı oblystarynda ornalasqan. Onyń ishinde, jalpy aýdany 14,27 myń sharshy metrdi quraıtyn turǵyn úıler Almaty qalasynda salynǵan. Al, oblystarǵa keler bolsaq, Qostanaı oblysynda 6,3 myń sharshy metrdiń, Aqtóbe oblysynda - 2,86 myń sharshy metrdiń, Almaty oblysynda - 3,8 myń, Qaraǵandy oblysynda - 4,7 myń sharshy metrdiń jalǵa beriletin turǵyn úıleri iske qosyldy.
Jalpy alǵanda, aǵymdaǵy jyly 136 myńnan astam sharshy metrdiń jalǵa beriletin turǵyn úılerin paıdalanýǵa berý josparlanýda. Osy maqsatta 2012 jyly oblystar men Astana jáne Almaty qalalarynyń bıýdjetterine 34,6 mlrd. teńge somanyń nysandy transfertterin bólý qarastyrylǵan.
