Birinshi jańǵyrý eń aýyr edi - tarıxshy Dúkenbaeva
ASTANA. QazAqparat - Lev Gýmılev atyndaǵy Eýrazııa ulttyq ýnıversıteti Eýrazııalyq zertteýler kafedrasynyń meńgerýshisi, professor Zada Dúkenbaevanyń aıtýynsha, xalyqqa baǵyt-baǵdar beretin Joldaý sııaqty qujattardyń bolǵany durys, dep xabarlaıdy QazAqparat tilshisi.
«Jahandyq básekelestiktiń ósýi jáne álemdegi turaqsyzdyq jaǵdaıynda Elbasynyń Joldaýy qazaqstandyqtar ustanǵan strategııanyń ózektiligin arttyra túsetini anyq. Sebebi bıylǵy Joldaýdyń «Qazaqstannyń úshinshi jańǵyrýy» dep atalýynyń ózindik máni bar. Biz Táýelsizdik alǵan 1991 jylda birinshi jańǵyrtýdy basymyzdan ótkergen edik. Óıtkeni josparly ekonomıkadan naryqtyq ekonomıkaǵa óttik. Al odan keıingi 2030 strategııalyq baǵdarlamanyń qabyldanýy bul bizdiń ekinshi jańǵyrýymyz dep eseptelinedi. Búgingi úshinshi jańǵyrý ol - damyǵan 30 eldiń qataryna kirý mindeti. Tabysty ótken eki jańǵyrtý arqyly búginde Elbasynyń bastamasymen sizder men bizder úshinshi jańǵyrtýdy bastaýǵa tıispiz. Bul qazirgi jahandyq qaterlermen kúres jospary emes, ol «Qazaqstan - 2050» strategııasynyń maqsattaryna bastaıtyn senimdi kópir bolmaq», - deıdi ǵalym Dúkenbaeva.
Onyń aıtýynsha, Táýelsizdik alǵan alǵashqy jyldardan bastap Prezıdenttiń joldaýlary Qazaqstan xalqyna baǵyt-baǵdar berip, bolashaqqa nyq senimmen qaraýǵa múmkindik berdi.
«Baǵytymyzdy jandyrǵan bul Joldaý óziniń kemeńger Elbasymen birge táýelsiz Qazaq elin áli talaı zor jetistikterge jetkizip, bıik shyńdarǵa, tolaǵaı tabystarǵa jetkizedi dep senemiz», - dep atap kórsetti professor.
