Birinshi toqsanda prokýrorlyq aktilerdiń negizinde 45 myń jumysshy 4 mıllıardqa jýyq aılyq jalaqylaryn aldy
ASTANA. Sáýirdiń 22-si. QazAqparat /Aıdar Ospanalıev/ - «Prokýratýra ókilderi eńbekkerlerdiń aılyq jalaqylaryn alýymen baılanysty máselelerdi tekserý jumystaryn jalǵastyrýda», dedi Bas prokýratýranyń resmı ókili Nurdáýlet Súıindikov.
Bul týraly ol búgin jýrnalıstermen bolǵan brıfıngte málim etti, dep habarlaıdy QazAqparat.
Onyń málimetterine qaraǵanda, aǵymdaǵy jyldyń 1-shi toqsanynda prokýrorlyq qadaǵalaý aktileriniń negizinde 45 myń jumysshy 4 mıllıardqa jýyq aılyq jalaqylaryn aldy. Atap aıtqanda, Almatydaǵy «Qazaqstankaspııshelf» aktsıonerlik qoǵamynyń prokýrorlyq aktiler negizinde 150 mıllıon teńge bereshegin qaıtardy. Al Mańǵystaý oblysynda «Jóndeý» jaýapkershiligi shekteýli seriktestigi eńbekkerler aldyndaǵy 124 mıllıon, Soltústik Qazaqstan oblysyndaǵy «Bıohım» kompanııasy» aktsıonerlik qoǵamy 30 mıllıon teńge qaryzdaryn ótedi», dedi resmı ókil.
