Birinshi toqsanda negizgi kapıtalǵa salynǵan ınvestıtsııa 2,9 paıyzǵa artty - Statıstıka
ASTANA. QazAqparat - 2015 jyldyń qańtar-naýryzynda Qazaqstanda negizgi kapıtalǵa salynǵan ınvestıtsııa 969,9 mlrd teńgeni qurap, 2014 jyldyń osy kezeńimen salystyrǵanda 2,9 paıyzǵa artty.
Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Statıstıkalyq málimetterge qaraǵanda, elimizdegi ınvestıtsııalyq salymǵa meılinshe tartymdy sala taý-ken óndirý ónerkásibi men karerler qazý (barlyq ınvestıtsııanyń 40,8 paıyzy) bolyp otyr. Budan bólek, jyljymaıtyn múlikpen operatsııalarǵa salynǵan ınvestıtsııalar 13,1 paıyzdy, kólik pen qoımalyq saqtaýlar 11,9 paıyzdy quraǵan.
«Bul rette ınvestıtsııalardyń basym kózderi sharýashylyq etýshi sýbektilerdiń jeke qarajattary bolyp qalýda, bul baǵyttaǵy úles salmaǵy 2015 jyldyń birinshi toqsanynda 66,5 paıyzdy quraǵan. Al memlekettik bıýdjet qarajaty - 8,3 paıyzǵa, bankter kredıtteri 5,1 paıyzǵa teń boldy. Bunyń ishinde sheteldik bankterge tıesili ınvestıtsııa mólsheri 0,1 paıyzdy qurady», - delingen baspasóz baıanynda.
