Birinshi toqsanda negizgi kapıtalǵa 691,9 mlrd. teńge ınvestıtsııa salyndy - Q.Kelimbetov
ASTANA. 26 sáýir. QazAqparat /Rýslan Ǵabbasov/ - Bıylǵy jyldyń basynan beri negizgi kapıtaldaǵy ınvestıtsııanyń ósý úrdisi baıqaldy. Bul týraly búgin Úkimet otyrysynda Ekonomıkalyq damý jáne saýda mınıstri Qaırat Kelimbetov málim etti.
«Birinshi toqsannyń qorytyndysy boıynsha negizgi kapıtalǵa 691,9 mlrd. teńge ınvestıtsııa salyndy. Bul 2010 jyldyń birinshi toqsanyndaǵy kórsetkishten 7,4 paıyzǵa artyq»,-dedi Q. Kelimbetov.
Sonymen qatar vedomstvo basshysy birinshi toqsannyń qorytyndysy boıynsha qurylys jumystarynyń kólemi 3,1 paıyzǵa óskenin aıtyp ótti. Ótken jyldyń birinshi toqsanymen salystyrǵanda qurylys salasyna ınvestıtsııalardyń kólemi 42 paıyzǵa artyp otyr.
