Birinshi toqsanda Qazaqstandaǵy JІÓ ósimi 3,8 paıyzdy qurady
ASTANA. QazAqparat - Bıylǵy birinshi toqsanda JІÓ ósimi ótken jyldyń osy kezeńimen salystyrǵanda 3,8 paıyzdy qurady. Bul týraly búgin QR Statıstıka agenttigindegi brıfıngte osy vedomstvonyń tóraǵasy Álıhan Smaıylov málim etti.
Onyń sózine qaraǵanda, 2014 jylǵy qańtar-sáýirde negizgi kapıtalǵa salynǵan ınvestıtsııalar kólemi 1319,4 mlrd. teńgeni qurady, bul 2013 jylǵy qańtar-sáýirge qaraǵanda 2,1% artyq.
Sonymen qatar atalǵan merzimde ónerkásip óndirisiniń kólemi qoldanystaǵy baǵalarda 6076,1 mlrd. teńgeni qurady, bul 2013 jylǵy qańtar-sáýirge qaraǵanda 0,1% kem.
«2014 jylǵy qańtar-sáýirde aýyl sharýashylyǵy jalpy óniminiń kólemi 315,6 mlrd. teńgeni qurap, byltyrǵy sáıkes kezeńge qaraǵanda 3,6% artyq boldy», - dedi Á. Smaıylov.
