Birinshi toqsanda elimizde 18 paıyzǵa jýyq aýrýhanalyq tósek-oryndar paıdalanylmaǵan
nbsp;Sáýirdiń 2-si. QazAqparat /Qanat Mámetqazyuly/ - Elimizde adamnyń kúndik aýrýhanaǵa jatýy jalpy álemdik kórsetkishten asyp otyr.
Búgin Astana qalasynyń aldaǵy damý jónindegi sáýlet-qurylys keńesi barysynda Densaýlyq saqtaý salasyndaǵy jańa júıeni synǵa alǵan Memleket basshysy Nursultan Nazarbaev osylaı málim etti, dep habarlaıdy QazAqparat.
«Bizdiń aýrýhanalar qurylysy men olardy jabdyqtaý josparyn asyra oryndaǵanymyz sonshalyqty, tipti keıbir aýrýhanalar bos tur. Ol jaqqa eshkim de baryp jatqan joq. Jańa júıege sáıkes adamdardyń emdelý ornyn tańdaı alatyny málim. Osydan belgili bolǵandaı, biz aýrýhanalardaǵy tósek-oryndary men qondyrǵylaryn artyǵymen oryndaǵanbyz. Bizde adamnyń kúndik aýrýhanaǵa jatýy jalpy álemdik kórsetkishten asyp otyr. Buny qalaı túsinýge bolady. Astananyń aınalasynyń bári aýrýhana. Bul qalaı», dedi N. Nazarbaev Densaýlyq saqtaý mınıstri Jaqsylyq Dosqalıevke qaratyp aıtqan sózinde.
Óz kezeginde Densaýlyq saqtaý mınıstri birinshi toqsandaǵy kórsetkish boıynsha elimizde shyndyǵynda da 18 paıyzǵa jýyq aýrýhanalyq tósek-oryndarynyń paıdalanylmaǵanyn atap ótti.
