Birinshi toqsanda 2-3 mln oqýshy qashyqtan oqydy – mınıstrlik

NUR-SULTAN. QazAqparat – Oqý jylynyń birinshi toqsanynda 2-3 mln qazaqstandyq oqýshy sabaqty qashyqtan oqydy. Bul týraly Ortalyq kommýnıkatsııalar qyzmetinde ótken brıfıngte QR Bilim jáne ǵylym vıtse-mınıstri Rústem Bıǵarı aıtty, dep habarlaıdy QazAqparat tilshisi.

«Ózderińiz biletindeı, birinshi toqsanda mıllıonnan astam bala aralas formatta oqysa, 2-3 mln oqýshy sabaqty qashyqtan oqydy. Qashyqtan oqytý formasy boıynsha segiz bilim berý platformasy quryldy, olardy jergilikti atqarýshy organdar bilim berý uıymdaryna engizdi», - deıdi QR Bilim jáne ǵylym vıtse-mınıstri Rústem Bıǵarı.

Onyń aıtýynsha, bilim berý júıesinde 2 mıllıonnan astam ata-ana jumys istedi.

«Onlaın rejımde 40 mıllıonǵa jýyq úı tapsyrmasy men baqylaý jumysy berilgen. 2 mıllıonnan astam ata-ana men 3 mıllıon oqýshy bilim berý júıesinde jumys istedi», - deıdi ol.