Birinshi synyptyń oqýshysyn qaǵyp ketken kúdikti qolǵa tústi - Pavlodar
PAVLODAR. 2 mamyr. QazAqparat - Pavlodar qalasynyń polıtsııasy 21 sáýirde rettelmeıtin ótpe jolda 1-shi synyptyń oqýshysyn qaǵyp ketken júrgizýshiniń tulǵasyn anyqtap, qolǵa túsirdi, dep habarlady ІІD-niń baspasóz qyzmeti.
Kishkentaı qyz alǵan jaraqatyna baılanysty oqıǵa ornynda kóz jumdy, ony qaǵyp ketken júrgizýshi jol-kólik apaty bolǵan jerden izin sýytqan. Jol-kólik apaty boıynsha qylmystyq is qozǵalǵan bolatyn.
Jedel-izdestirý sharasynyń barysynda 30 sáýirde tehnıkalyq qyzmet kórsetý stansasynan jol-kólik apatynyń belgisimen «Mersedes» markaly kólik anyqtaldy. Onyń 25 jasar júrgizýshisi - Pavlodar qalasynyń turǵyny buǵan deıin eki ret isti bolǵan. Ólimge ákelgen jol-kólik apatyna onyń qatysy bar ekendigin anyqtaý maqsatynda qosymsha tergeý amaldary júrgizilýde.
