Birinshi synypqa qujattardy qabyldaý 1 tamyzda aıaqtalady

NUR-SULTAN. QazAqparat – Balalardy birinshi synypqa qabyldaý 1 tamyzda aıaqtalady. Bul týraly Mektepke deıingi jáne orta bilim komıteti orta bilimniń mazmuny jáne ádisnamasy basqarmasynyń basshysy Názıra Ábdirahmanova málim etti, dep habarlaıdy QazAqparat tilshisi.

«Birinshi synypqa qabyldaý boıynsha 400 myńnan astam ótinish tústi. Bıyl mektepke baratyn balalardyń 70 paıyzy qazaq tilinde bilim alýdy tańdady. Qalǵandary orys, uıǵyr jáne tájik tilderinde oqýdy josparlap otyr.

Al, qujattardy qabyldaý merzimi - 1 sáýirde bastalyp, 1 tamyzda aıaqtalady. Azamattarǵa yńǵaıly bolýy úshin mınıstrlik bul qyzmetti avtomattandyrdy. ıAǵnı, qujattar eGov portaly arqyly qabyldanady. Sonymen qatar qujattardy qaǵaz túrinde de qabyldaý qatar júredi», - dep atap ótti Názıra Ábdirahmanova.

Balany mektepke berý úshin qajetti qujattar:

- ata-ananyń ótinishi;

- týý týraly kýáliktiń kóshirmesi;

- № 063/ý jáne 026/ý formatyndaǵy densaýlyq anyqtamalary;

- 2 dana 3h4 ólshemindegi fotosýreti.

Eger ata-ana ótinishti eGov portaly arqyly beretin bolsa, onda atalǵan qujattardyń jalpy júktemesi 5 megabaıttan aspaýy tıis.