Birinshi synypqa qujat qabyldaý aıaqtaldy: 400 myń ótinish tústi

NUR-SULTAN. QazAqparat – Búgin 1-synypqa baratyn balalardyń qujattaryn qabyldaý naýqany aıaqtaldy. El boıynsha 400 myń ata-anadan ótinish berilgen, dep habarlaıdy QazAqparat oqý-aǵartý mınıstrliginiń baspasóz qyzmetine silteme jasap.

Vedomstvonyń baspasóz qyzmetinen málim etilgendeı, qujattardy qabyldaý tolyq 4 aıǵa, ıaǵnı 1 sáýirden 1 tamyzǵa deıin sozyldy. Osy ýaqyt ishinde qazaqstandyqtar shamamen 400 myń ótinish berip úlgerdi. Balalardyń 70%-dan astamy memlekettik tilde oqýdy tańdady.

Ótinishterdi qabyldaý tártibi avtomattandyrylǵan jáne ata-analar qujattardy dástúrli formatta da, onlaın formatta da tapsyra aldy. Ótinishterdiń 80%-y elektrondy formatta berildi.

«Oqý jylynyń bastalýyna bir aı qaldy. Endi mektepter oqý-tárbıe úrdisin sapaly daıyndaý men uıymdastyrýǵa, synyp jıyntyqtaryn qalyptastyrýǵa kirisedi. Júrgiziletin jumystar áli jetkilikti jáne ol úshin mektepter tamyz aıyn tıimdi paıdalanady. Birinshi synyp oqýshylarynyń basym bóligi Abaı, Shyǵys Qazaqstan, Batys Qazaqstan, Qostanaı jáne Qaraǵandy oblystarynda, sondaı-aq Nur-Sultan, Almaty jáne Shymkent qalalarynda baıqalady. Balalardy qazaq tilinde oqytatyn synyptarǵa qamtýdyń joǵary kórsetkishi Qyzylorda (89,6%), Ulytaý (86,6%), Mańǵystaý (86,2%), Jambyl (80,4%) oblystarynda baıqalady», - deıdi QR Oqý-aǵartý mınıstrligi Mektepke deıingi jáne orta bilim komıteti tóraǵasy Gúlmıra Kárimova.