«Birinshi synypqa barǵan balaǵa aǵylshyn tilin oqytqan durys pa?» - respýblıkalyq basylymdarǵa sholý
***
«Shyǵys Qazaqstan oblysynyń ekonomıkasy kún saıyn qaryshtap damyp keledi. Kendi Altaıǵa osydan bes-alty jyl buryn jasaǵan sapary kezinde Elbasy Nursultan Nazarbaev osynaý shyraıly Shyǵysty elimizdiń injý-marjanyna teńep, aldaǵy ýaqytta da ólkeniń damı beretinine senim bildirgen bolatyn. Ýaqytynyń tyǵyzdyǵy men qarbalas sátterdiń kóp bolǵanyna qaramastan, Elbasy ózender órnektegen Óskemenge jylyna kem degende bir ret kelip, atqarylyp jatqan istermen tanysady, ekonomıkany damytýdaǵy oılaryn ortaǵa salyp, óńir basshylaryna jańa mindetter júkteıdi», - dep jazady «Egemen Qazaqstan» gazeti Elbasynyń atalǵan óńirge saparyna oraı «El ekonomıkasynyń artýy izdenis pen iskerlikke baılanysty» degen taqyryppen basylǵan maqalasynda.
«Egemen Qazaqstan» gazetiniń jazýynsha, keshe Parlament palatalarynyń birlesken otyrysy bolyp, palatalar tóraǵalary Qaırat Mámı jáne Nurlan Nyǵmatýlınniń jetekshiligimen Konstıtýtsııalyq Keńestiń elimizdegi konstıtýtsııalyq zańdylyqtyń jaı-kúıi týraly jyl saıynǵy joldaýy jáne 2011 jylǵy bıýdjettiń atqarylýy týraly Úkimettiń esepteri qaraldy. Birlesken otyrysqa Premer-Mınıstr Kárim Másimov jáne ortalyq memlekettik organdar basshylary, Memleket basshysyna tikeleı baǵynystaǵy organdar jetekshileri, sot bıliginiń ókilderi qatysty. Maqala «Bıýdjettiń oryndalýynda kemshin tustar kóp» degen taqyryppen berilgen.
***
«Kásipkerlikti damytý máselelerine arnalǵan kezekti keńeste Memleket basshysy Nursultan Nazarbaev «Atameken» odaǵyn otandyq bıznestiń múddesin qorǵaıtyn negizgi uıym retinde anyqtap, batasyn berdi. Prezıdent oǵan múshe bolý mindetin tolyǵymen qoldady. Demek, endi barlyq kásipkerler tıisti jarnany tólep, «Atameken» odaǵy» ulttyq ekonomıkalyq palatasyna ótedi. Biraq uıym óz kezeginde el bıznesmenderin barynsha qorǵaı bilýi mindet», dep jazady «Alash aınasy» gazeti senbilik sanynda jaryq kórgen «Atameken» kásipkerlerdiń ortaq «mekenine» aınalady» degen taqyryptaǵy maqalasynda. Basylymnyń atap ótýinshe, salyq salasynda da biraz ózgerister bolmaq. Kásipkerler úshin san alýan jeńildiktermen qatar olardyń aryz-shaǵymdaryn sotqa deıin qaraý tájirıbesin jetildirý kózdelgen. «Búgingi tańda elimizde appelıatsııalyq komıssııalardy qurý arqyly salyq salasyndaǵy daý-damaılardy sotqa deıin barynsha qysqartý jumysy atqarylyp jatyr. Sondaı-aq biz arnaıy salyq sottaryn qurý boıynsha álemdik tájirıbeni jan-jaqty zerttep kelemiz. Biz ol máseleni áli talqylaımyz. Degenmen, qazirgi kezde sot organdary ondaı qurylymdardy qajet etedi», - deıdi Prezıdent.
***
2013-2014 oqý jylynan bastap jeti jasty eńserip úlgermegen kók jelekterimiz birinshi synyptan bastap aǵylshyn tilin oqyp, aǵylshyn tilinde de «til syndyratyn» bolady. ıAǵnı alǵashqy qadamdaryndaǵy aqýyz qajettiliktiń alǵashqy nárin ana tilinde ǵana emes, aǵylshyn jáne orys tilderinde qanaǵattandyrady. Mine osy jaıt arqaý bolǵan maqala «Aıqyn» gazetiniń búgingi sanynda «Birinshi synypqa barǵan balaǵa aǵylshyn tilin oqytqan durys pa?» degen taqyryppen basyldy. Basylymnyń atap ótýinshe, Bilim jáne ǵylym mınıstri alqaly jıyndardyń birinde respýblıkanyń jalpy orta mektepterinde 1 synyptan aǵylshyn tilin úıretýdi aptasyna 3 saǵat kóleminde osy oqý jylynan bastaıtyndyqtaryn jarııa etken. «Mınıstr myrza bul usynysty aspannan alyp otyrǵan joq. Qazir Almaty men Astanada, Ataý men Qaraǵandyda ornalasqan orys-qazaq tilderinde dáris beretin 35 mektepte 1 synyptan bastap aǵylshyn tilin oqytýdy áldeqashan zańdastyryp qoıǵan», - dep jazady basylym.
***
«Syrtqy ister mınıstri Erjan Qazyhanovtyń áriptesi Radoslav Sıkorskııdiń shaqyrýymen Polshaǵa jumys sapary ótti. Bul ekijaqty qarym-qatynas tarıhyndaǵy otandyq syrtqy saıasat vedomstvosy basshysynyń Varshavaǵa tuńǵysh sapary boldy», - dep jazady «Kazahstanskaıa pravda» gazeti. Polsha astanasynda ótken kelissózderde 20 jyldyq seriktestiktegi jetistikterge joǵary baǵa berildi. Saıası baılanystar, saýda-ekonomıkalyq jáne mádenı-gýmanıtarlyq yntymaqtastyqty keńeıtý múmkindikteri mazmundy túrde talqylandy. Polsha Senatynyń tóraǵasy Bogdan Borýsevıchpen ótken kezdesýde taraptar parlamentaralyq baılanystardy belsendetýdiń jaıyn sóz qyldy. Sonymen qatar, Polsha parlamentiniń joǵarǵy palatasy dástúrli túrde sheteldegi polıak dıasporasynyń múddelerin ilgeriletýge jaýapty. Osy oraıda, B. Borýsevıch elimizge jasaǵan resmı saparyn eske alyp, Qazaqstandaǵy 50 myńdyq polıak dıasporasy úshin ana tilin oqý, tarıhı otanymen baılanys qurý, dástúrleri men ádet-ǵuryptaryn saqtaý úshin jasalǵan qolaıly jaǵdaıdy qanaǵatpen atap ótti.
