Birinshi synyp oqýshysyn kirpishpen uryp óltirgen aýyl turǵyny ustaldy
ASTANA. 20 aqpan. QazAqparat - Birinshi synyp oqýshysyn kirpishpen uryp óltirgen kúdikti ustaldy.
Bul týraly búgin QR ІІM baspasóz qyzmetiniń málimetterinde habarlandy.
Ótken aptada Qyzylorda oblysy Qarmaqshy aýdany Josaly aýylynda qaraýsyz qalǵan janar maı quıý beketinde bas-mı jaraqatyn alǵan birinshi synyp oqýshysynyń máıiti tabyldy, onyń janynda qan izderi bar kirpish jatty.
Oqýshy bala sabaqtan soń úıine bet alǵan. Polıtsııa qyzmetkerleri bekettiń beıne baqylaý kamerasyn qaraý barysynda qylmys bolǵan jerdiń mańaıynda spırttik ishimdik iship turǵan er kisiniń túsip qalǵanyn anyqtady. Sondaı-aq onda jábirlenýshi bala janar maı quıý beketiniń janynan úıine qaraı ketip bara jatqany, al kúdikti onyń izine ileskeni kórinip turdy.
Búldirshindi óltirý faktisi boıynsha oblystyq nevrologııalyq dıspanserde esepte turǵan 34 jastaǵy atalǵan aýyldyń turǵyny quryqtalyp, abaqtyǵy qamaýǵa alyndy.
