Birinshi synyp oqýshylarynyń mektepke kelý ýaqyty ózgermeıtin boldy - E. Sýxanberdıeva
ASTANA. QazAqparat - Mektepterdegi oqý ýaqytyn 20 mınýt erte shegerý jónindegi sheshimniń birinshi synyp oqýshylaryna qatysy joq. Bul týraly Astana qalasy Bilim basqarmasynyń bastyǵy Elmıra Sýxanberdıeva málim etti.
"Qazirgi ýaqytta ata-analar arasynda saýalnama júrgizilýde, barlyq taraptardyń pikiri eskeriletin bolady. Bir anyǵy - mektepterdegi oqý ýaqytyn shegerý birinshi synypqa qatysty bolmaıdy", - dep atap ótti ol.
Aıta keteıik, bunyń aldynda qala basshylyǵy 14 qyrkúıekten bastap Astanadaǵy 17 mekteptiń oqýshylary úshin sabaq tańǵy 7:40-ta bastalady dep málim etken bolatyn.
Alaıda keıin Astana qalasynyń prokýratýrasy bul sheshimdi zańsyz dep tapty.
