Birinshi synyp bazalyq oqýlyqtarynyń daıarlyǵyn jeke ózim qarap keldim - Erlan Saǵadıev
ASTANA. QazAqparat - Astana oqýlyqtarmen tolyqtaı qamtamasyz etildi. Bul týraly búgin Astana qalasy bilim qyzmetkerleriniń dástúrli tamyz keńesinde QR Bilim jáne ǵylym mınıstri Erlan Saǵadıev málim etti.
«Birinshi synypqa arnalǵan biryńǵaı bazalyq oqýlyq daıar tur. Men oǵan ózim baryp, kóz jetkizdim. Osy rette Astana oqýlyqtarmen tolyqtaı qamtamasyz etildi. Atap aıtqanda, elordadaǵy qyzmetterdiń atqarǵan tıimdi jumysyna alǵys aıtamyz»,-dedi mınıstr.
Onyń sózine qaraǵanda,búginde elimiz boıynsha kitaptardy mektepterge jetkizý sharalary aıaqtalýǵa taıaý.
«Jalpy biz úshin bazalyq oqýlyqtar kóptegen máselelerdi sheshedi. Bul turǵyda óńirler arasynda bilim berý sapasyn teńestirýdi, ekinshiden, elimiz boıynsha aǵymdaǵy oqý úlgerimine qadaǵalaý júrgizýdi, bıýdjet qarjysynyń únemdeýdi qamtyp otyr»,-dedi E. Saǵadıev.
Oqýlyqtar degen quqyq memlekettiń quzyrynda ekenine toqtalǵan vedomstvo basshysy, osy oraıda kitaptar mazmunyn jaqsartýǵa erekshe mán beriletinin atap ótti.
«Bıyl biz avtorlardan muǵalimderge qosymsha kómek retinde bazalyq oqýlyqtardy beıne materıalmen tolyqtyryp otyrý máselesin bastaýdy baspagerlerge usyndyq»,-dedi mınıstr.
