Birinshi raýndtyń eń jarqyn serııasy: «Barysqa» osy umtylysy úshin jankúıermiz
ASTANA. QazAqparat - Jeti match, ǵajaıyp kambekter men sońǵy sekýndtarǵa deıingi talas-tartys... «Barys» pen «Torpedo» Gagarın Kobýginiń alǵashqy raýndynyń kórkin qyzdyra bildi, dep habarlaıdy QazAqparat tilshisi «SPORTINFORM» SAA-ǵa silteme jasap.
«Barys» oıynshylary óz mánerinen aınymaı konferentsııanyń jartylaı fınalyna shyqty. 0:4 esebindegi jeńis, 3:0 esebimen ese jiberý, óz qaqpasyna qaraılamaǵan oıyn... «Barys style» degen de naq osy! Lıganyń barlyq klýbtary demalyp, ekinshi raýndqa daıyndalyp jatqan kezde «Barys» oıynshylary men «Torpedolyqtar» ózara myqtyny anyqtap jatqan edi. Qos komanda pleı-offtyń alǵashqy raýndynyń eń jarqyn ári este qalarlyq serııasyn kórsete bildi.
«Barystyń» búgin jeńilýge qaqy joq edi. Sebebi, komandaǵa úmit artyp otyrǵandar kóp boldy. Syn saǵatta kanadalyq Darren jasyndaı jarqyldap, dýbl jasady. Sheshýshi matchta Darrenniń fantastıkalyq shaıbasy jeńisti julyp aldy! Matchtyń sıpaty da ózgeshe boldy: astanalyqtar alǵa shyqsa, torpedolyqtar artynan qýyp kele jatty.
Báıgege uqsaǵan osy match aqyry bizdiń paıdamyzǵa sheshildi. Qazaqstandyq klýb óz tarıhynda úshinshi ret Gagarın Kýboginiń ekinshi raýndyna shyqty. Ol jerde astanalyqtardy «Avangard» komandasy kútip tur. Avangardtyqtar Chernyshev dıvızıonynda «Barystan» utylyp qalǵanymen, pleı-off startynda «Aq Barysty» 4:0 esebimen artta qaldyrǵan edi.
Úshinshiden, «Barys» Gagarın Kýboginiń úshinshi raýndyna birde-bir márte shyǵyp kórmegen bolatyn. Konferentsııanyń fınalynda komandamyzdy birde «Salavat ıÝlaev» (2014 jyly), birde «Magnıtka» (2017 jyly) toqtatqan. Biraq, bul maýsymda astanalyqtardyń shabysy erek. Endi myqtynyń bári pleı-offta anyqtalady.
