Birinshi Nazarbaev oqýlarynyń bastalýyna on kún qaldy
ASTANA. 19 qarasha. QazAqparat - 29 qarashada Birinshi Nazarbaev oqýlary «Jańa álemdegi jańa Qazaqstan» taqyrybynda ótedi. Forým Nazarbaev ýnıversıtetinde uıymdastyrylady. Damýdyń Qazaqstandyq joly álemde qyzyǵýshylyq týdyrýda, dep habarlaıdy QR Bilim jáne ǵylym mınıstrliginiń baspasóz qyzmeti.
«N.Á. Nazarbaev modelin» zerdeleýge degen qyzyǵýshylyqty eskere otyryp, «Nazarbaev ortalyǵy» men Bilim jáne ǵylym mınıstrligi jyl saıyn Nazarbaev oqýlaryn ótkizýdi dástúrge aınaldyrmaq. Ol jetekshi sarapshylardyń, saıası qaıratkerlerdiń jáne álem ǵalymdarynyń qatysýymen ótetin bolady.
Halyqaralyq oqýlardyń jumysy «Qazaqstannyń syrtqy saıası bastamalary», «Jańa ekonomıkalyq model», «Qazaqstannyń ınnovatsııalyq damýy», «Qazaqstannyń áleýmettik jańǵyrtylýy», «Zamanaýı memleket qurý» atty bes paneldik sessııa boıynsha ótedi. Jastar saıasaty jeke qaralmaq. Nazarbaev oqýlarynyń sheńberinde Elbasymyz N.Á.Nazarbaevqa arnalǵan kitap jáne sýret kórmesi uıymdastyrylady.
Qazirgi tańda Birinshi Nazarbaev oqýlaryna 1500-den astam adam qatysatyndyǵyn málim etti. Bedeldi sarapshylar komıssııasy Nazarbaev oqýlarynyń negizgi taqyryptary boıynsha 14 plenarlyq, 62 paneldik jáne 409 stendtik baıandamany iriktep aldy.
Aldaǵy bolatyn is-sharaǵa jetekshi sheteldik professorlar da qyzyǵýshylyq tanytty. Olardyń ishinde - Rafız Abazov, Kolýmbııa Ýnıversıtetinen (AQSh); Ekhart Dıttrıh, Magdebýrg Ýnıversıtetinen (Germanııa); Deom Jan Mark, Lýva Ýnıversıtetinen (Belgııa); Marlen Marııa Baýer, Dıozesa-Lınts Pedagogıkalyq ýnıversıtetinen (Avstrııa).
Sonymen qatar, tanymal saıası qaıratkerler, halyqaralyq sarapshylar jáne álemniń 51 elinen ataqty ǵalymdar qatysatynyn rastady. Qazaqstan boıynsha parlamentaralyq toptyń tóraǵasy Lord Djon Ýeıverlı (Ulybrıtanııa), «Órkenıet dıology» forýmynyń halyqaralyq Úılestirý Komıtetiniń tóraǵasy Valter Shvımmer, Frantsııanyń Eýropalyq senaty qaýymdastyǵynyń tóraǵasy Krıstıan Ponsele, M.V.Lomonosov atyndaǵy Máskeý memlekettik ýnıversıtetiniń rektory Vıktor Sadovnıchıı sııaqty qurmetti qonaqtar da qatysady.
