Birinshi lıgadaǵy eń úzdik fýtbolshylardyń esimderi anyqtaldy
ALMATY. 10 qarasha. QazAqparat - Fýtboldan QR Birinshi lıgasyndaǵy klýbtardyń bas bapkerleri arasynda ótken saýalnama nátıjesi boıynsha
bıylǵy maýsymdaǵy úzdik 22 fýtbolshynyń esimderi anyqtaldy. «Qaırat» fýtbol klýbynyń ınternet saıtyndaǵy habarlamaǵa súıensek, ótken maýsymda «Qaırat-Akademııa» sapynda óner kórsetken Rýslan Mansurov sol qaptaldaǵy úzdik shabýylshy dep tanyldy. Ol 30 matchqa qatysyp, 19 ret qarsylastar qaqpasynan sańylaý taba aldy. Al «Shyǵys», «Astana-1964» komandalaryndaǵy óz oıyny kezinde 12 goldyń avtory atanǵan Geıser Alekperzade sol qanattaǵy ekinshi úzdik shabýylshy ataǵyna qol jetkizdi.
Jalpy bıylǵy el chempıonatynda Birinshi lıgadaǵy mergender kóshin «Ekibaztuz» komandasyndaǵy Qýanysh Begalın bastaǵan bolatyn. Ol qarsylastardyń qaqpashylaryn 22 márte qapy qaldyrǵan. Al odan keıingi orynda Rýslan Mansurov tur. Úzdik úshtikti 18 goldyń avtory atanǵan «Qyran» komandasynyń oıynshysy Sanat Jumahanov túıindep otyr.
