Birinshi lıgada «Aqjaıyq» «Túrkistandy» tize búktirdi

ORAL. QazAqparat – Fýtboldan birinshi lıga komandalary arasynda Qazaqstan chempıonatynyń 14-týrynda Oraldyń «Aqjaıyǵy» óz alańynda «Túrkistandy» qabyldady, dep habarlaıdy QazAqparat tilshisi.

Tartysty ótken oıynda birinshi taımda esep ashylǵan joq.

Ekinshi kezeńde 67-mınýtta reseılik Evgenıı Kobzar 11 metrlik aıyp dobyn dál oryndap, «Aqjaıyqqa» jeńis áperdi – 1:0.

Osylaısha, 13 kezdesýden keıin 25 upaı jınaǵan qazaqstandyq maman Igor Prohnıtskııdiń shákirtteri týrnır kestesinde úshinshi orynǵa kóterildi.

Búgin «Akademııa Ońtústik» pen «Ekibastuz» 1:1 esebimen teń tarqassa, «Jas qyran» «Tarazdy» 4:2 esebimen tize búktirdi.

14-týr oıyndary erteń jalǵasady.

Oraldyqtar kelesi matchyn 13 shildede Aqtóbede «Aqtóbe-Jas» komandasymen ótkizedi.

Eske sala keteıik, budan buryn Qazaqstan quramasynyń oıynshysy ıAn Vorogovskııdiń «Astanaǵa» alynǵanyn jazǵan bolatynbyz.