Birinshi lıgada «Aqjaıyq» «Han Táńiri» komandasymen teń oınady
ASTANA. QazAqparat – Birinshi lıga komandalary arasynda fýtboldan Qazaqstan chempıonatynyń 17-týrynda Almatynyń «Han Táńiri» komandasy óz alańynda «Aqjaıyqty» qabyldady, dep habarlaıdy QazAqparat tilshisi.
Qos klýb gol soǵýǵa tyrysqanymen, kópke deıin esep ashylǵan joq.
Oıyn sońyna taman 80-mınýtta alań ıelerinen Rashıd Lıýhaı qonaqtar qaqpasynyń kiltin taba bildi. Degenmen úsh mınýttan keıin «Aqjaıyqtan» Baqdáýlet Kóńilimqos qaqpashy qaıtarǵan dopqa birinshi jetip, tarazy basyn teńestirdi – 1:1.
B.Kóńilimqos osymen úsh match qatarynan mergendik tanytyp otyr.
Týrnır kestesinde 32 upaımen burynǵysha úshinshi satyda kele jatqan oraldyqtar kelesi týrda 3 tamyz kúni óz alańynda Astananyń «Jeńisin» qabyldaıdy.
Kósh basyndaǵy Semeıdiń «Elimaıy» «Jas qyrandy» 2:0 esebimen utyp, upaı sanyn 44-ke jetkizdi.
Eske sala keteıik, budan buryn birinshi lıgada «Aqjaıyqtyń» «Ekibastuzdy» iri eseppen tize búktirgenin jazǵan bolatynbyz.
