Birinshi lıgada «Aqjaıyq» «Ekibastuzdy» iri eseppen tize búktirdi

ORAL. QazAqparat – Fýtboldan birinshi lıga komandalary arasynda Qazaqstan chempıonatynyń 16-týrynda Oraldyń «Aqjaıyǵy» óz alańynda «Ekibastuzdy» qabyldady, dep habarlaıdy QazAqparat tilshisi.

Birinshi aınalymdy úshinshi orynmen támamdaǵan alań ıeleri «Ekibastuzben» oıynda úsh upaı oljalaýdy kózdeıtini anyq edi.

Ótken týrda Aqtóbede «Aqjaıyq» sapyndaǵy alǵashqy golyn soqqan Aqtaý fýtbol mektebiniń túlegi Baqdáýlet Kóńilimqos bul joly da mergendik tanytty. Tipti qarsylastyń qaqpasyna bir emes, úsh dop engizip, het-trıktiń avtory atandy. 72-mınýtta ýkraınalyq Mıkola Agapov 11 metrlik núkteden múlt ketpeı, esepti 4:0-ge jetkizdi. 92-mınýtta qonaqtardan Maksım Skoryh bir ǵana golmen jaýap qaıyrdy. Qorytyndy esep – 4:1, «Aqjaıyqtyń» paıdasynda.

Osylaısha, 31 upaı jınaǵan Igor Prohnıtskııdiń shákirtteri burynǵysynsha týrnır kestesinde 3-orynda keledi.

Oraldyqtar kelesi kezdesýin 28 shilde kúni syrt alańda «Han-Táńiri» komandasymen ótkizedi.

Eske sala keteıik, budan buryn birinshi lıgada «Aqjaıyqtyń»» Aqtóbede jergilikti komandany jeńgenin jazǵan bolatynbyz.