Birinshi qyrkúıek kúni tórt myńnan astam sottalýshy partaǵa otyrady
ASTANA. 26 tamyz. QazAqparat /Ǵalymjan Hasenov/ - Bilim kúni Іshki ister mınıstrligi qylmystyq-atqarý júıesine qarasty 55 bilim berý mekemesinde mindetti orta bilimi joq tórt myńnan astam sottalýshy partaǵa otyrady.
Búgingi tańda qylmystyq atqarý júıesiniń bilim berý oryndarynda ártúrli kompıýterlik tehnıkalar oıdaǵydaı paıdalanyp keledi. Qarapaıym taqta men bor ornyna ınteraktıvti qurylǵylar qoıylǵan.
Mysalǵa, penıtentsıarlyq júıe tarıhynda Astana qalasy boıynsha QAJK ETs-166/10 mekemesinde barlyq qajetti qurylǵylarymen birge ınteraktıvti taqta ornatyldy.
Mektepterge 51 776 qazirgi oqýlyqtar satyp alynyp, mektep ishinde 300-den astam kompıýter qoıylǵan 45 kompıýterlik synyp ashylǵan.
QR Qylmystyq-atqarý kodeksiniń 108 baby 1 tarmaǵyna sáıkes túzetý mekemelerinde 30 jasqa tolmaǵan sottalýshylar mindetti túrde orta bilim alýlary kerek. 30 jastan asqan jáne 1-shi, 2-shi top múgedekteri óz qalaýlary boıynsha oqıdy.
2010-2011 oqý jyldary 1 413 jazasyn óteýshi orta bilim týraly attestat pen negizgi orta bilimi bar degen kýálik alǵan.
