Birinshi kezekte jeńilrelsti kólik Astanadaǵy jańa vokzal men Sh.Qaldyaıaqov kóshesin jalǵaıdy
ASTANA. 4 sáýir. QazAqparat - «Astana qalasynyń jańa kólik júıesi» jobasyna sáıkes elordanyń negizgi kólik júıesi jeńilrelsti kólik bolmaq. Ol avtobýstyń BRT júıesiniń josparlanǵan jyldamdyǵynda jáne Jekelegen - ITS kólik júıesine tán.
«Osy demalys kúnderi Astanada jyldamdyqty jeńilrelsti kólik júıesin qurý jobasyn basqarý jónindegi Konsýltant bolyp aıqyndalǵan KSPMC (Kazakh Systra Projekt Management Consortium) Konsortsıýmymen kelisimge qol qoıyldy», - dep habarlaıdy astana.kz.
KSPMC-men tıisti kelisimge 2013 jyldyń 30 naýryzy, senbi kúni «Astana qalasynyń jańa kólik júıesi» jobasyn basqarý máseleleri jónindegi qyzmetter» baıqaýynyń qorytyndysy boıynsha 1-shi kezekte qol qoıyldy.
Konsýltantty tartý maqsaty mundaı aýqymdy da joǵary tehnologııalyq jobanyń barlyq júıesin tıimdi jumystarmen qamtamasyz etý bolyp tabylady.
«JRK-niń 1-shi kezektegi qurylysy Astana qalasyndaǵy EXPO-2017 Halyqaralyq kórmesin ótkizý daıyndyqtary aıasynda qalanyń ınfraqurylymyn damytý úshin aıtarlyqtaı mańyzǵa ıe.
Qazaqstan Respýblıkasynyń Premer-Mınıstri Serik Ahmetovtiń 2013 jylǵy 7-16 aqpan kúni ótkizgen májilisinde 1 kezekte jelini jańa temir jol vokzalynan Sh.Qaldyaıaqov kóshesine deıin 16 stansa, depo jáne 12 jyljymaly quramda 21 shaqyrymǵa tartý jóninde sheshim qabyldandy.
KSPMC Konsortsıýmy kópjyldyq tájirıbesi bar, JRK jobalaý men basqarýda álemniń birneshe elinde óziniń ozyq múmkindikterimen tanylǵan Systra kompanııasynyń quramyna kiredi. Systra kompanııasy 1995 jyly eki iri frantsýz kompanııa-operatorlary Sofrerail (SNCF) jáne Sofretu (RATP) arqyly álemge tanyldy. Ári olar temir jol men qalalyq kólik salasynda zor jetistikterge jetip keledi. Atap aıtsaq álemde osy saladaǵy jobalaýshy halyqaralyq fırmalar arasynda 2-shi oryn alady.
