Birinshi dúnıejúzilik soǵystan qalǵan snarıad jarylyp, eki adam ajal qushty
ASTANA. QazAqparat - Belgııanyń Ipr qalasynda birinshi dúnıejúzilik soǵystan qalǵan snarıadtyń jarylýynan eki adam qaza bolyp, taǵy bireýi aýyr jaralandy. RTBF telearnasynyń habarlaýynsha, jarylys úıdiń irgetasyn qalaý jumystary kezinde oryn alǵan, dep jazady ITAR-TASS.
«Ekskavator shómishi abaısyzda jerdiń astynda jatqan jarylǵysh zatqa tıip ketip, sodan ol jarylǵan», - dep habarlady telearna. Birinshi dúnıejúzilik soǵys jyldaryndaǵy front jelisi Belgııanyń Ipr qalasymen de ótken. Sol kezde jarylmaı qalǵan qarýlar Belgııada ondaǵan jyldar boıy saqtalyp keledi. Alaıda olardyń kóbisi isten shyqqan.
