Birin ustasaq, ekinshisi paıda bolady – agenttik memlekettik satyp alý salasyndaǵy jemqorlyq jaıly

NUR-SULTAN. QazAqparat – 2019 jyldyń qorytyndysy boıynsha Qazaqstanda jasalǵan jemqorlyqqa qatysty qylmystyń árbir jetinshisi - memlekettik satyp alý salasyna qatysty bolǵan, dep habarlaıdy QazAqparat tilshisi.

«Memlekettik satyp alý salasynda edáýir mol qarajat baryn bilesizder. Ondaǵy qarajat jyldan jylǵa kóbeıip keledi. Búgingi kúnniń ózinde qarajat kólemi 4 trln teńgeni quraıdy. Aqsha edáýir mol. Sol sebepti munda jemqorlyq qaýpi de bar. Tergeý tájirıbesi de osy jaıdy rastaıdy. 2019 jyldyń ózinde sybaılas jemqorlyqqa qatysty árbir jetinshi qylmys memlekettik satyp alý salasyna qatysty bolǵan. Meniń oıymsha mundaǵy qylmystyń jıi tirkelýi – bul salaǵa qatysýshylardyń kóp bolýymen tikeleı baılanysty. Memlekettik satyp alý salasynda elimizde 24 myńǵa tarta tapsyrys berýshi men 100 myńǵa tarta tasymaldaýshy jumys isteıdi», - dedi Sybaılas jemqorlyqqa qarsy is-qımyl agenttiginiń preventsııa departamentiniń sybaılas jemqorlyqqa qarsy departamentiniń basqarmasy basshysy Danııar ıAkýpov agenttikte ótken onlaın rejımdegi baspasóz máslıhatynda.

Onyń aıtýynsha memlekettik satyp alý salasynda qylmysqa baratyndar kóp qatysýshynyń ishinde iz jasyryp ketýge tyrysady.

«Osy jyldyń birinshi toqsanynyń ózinde sybaılas jemqorlyqqa qarsy is-qımyl agenttigi memlekettik satyp alý salasyna qatysty 200-ge tarta qylmystyq is qozǵady. Biz aıyptylardy qansha ustaǵanymyzben tuıyq sheńber qalyptasyp qalǵanyn baıqaımyz. Birin ustasaq, ekinshisi paıda bolady. Álbette bul jaǵdaıǵa halyq ta narazy. Jaǵdaıdyń bulaı sheksiz jalǵasa beretinin túsine otyryp, agenttik aldyn alý jumystaryna basa mańyz beredi. ıAǵnı árbir jemqordyń artynan júgirip júrmeı, memlekettik satyp alý salasynda jemqorlyqqa jol bermeıtin mehanızmderdi ázirlep jatyr», - dedi ol.