Birin-biri bilmegen baýyrlardyń tabysýyna jol apaty sebep boldy
ASTANA. QazAqparat - Saýd Arabııasynda oryn alǵan jol-kólik oqıǵasy bir ákeden týǵan, bir-biriniń baryn bilmegen aǵaly-iniliniń tabysýyna sebep boldy, dep habarlaıdy Newsru.com.
Oqıǵa jelisi boıynsha, eki júrgizýshi Er-Rııad pen Medınany baılanystyrýshy jolda qaqtyǵysyp, sol jerde daýlasyp qalady. Oqıǵa ornyna jetken polıtsııa qyzmetkerleri eki júrgizýshiniń de qujattaryn teksere kelip, ekeýiniń aǵaly-inili ekenin anyqtaıdy. Oǵan senbegen olar týra sol jerde ákesine habarlasady. Ákesi kezinde shynymen basqa áıelge úılengenin, sol nekeden onyń bir uly bar ekenin rastady. Ony estigen baýyrlar birin-biri qushaqtap, qaıta kóristi.
