Biriktirilgen áleýmettik tólemder jyl saıyn 6 mlrd teńgeni únemdeýge múkindik beredi

NUR-SULTAN. QazAqparat – Biriktirilgen áleýmettik tólemder jyl saıyn 6 mlrd teńgeni únemdeıdi. QR Eńbek jáne halyqty áleýmettik qorǵaý mınıstri Serik Shápkenov Úkimet otyrysynda osyndaı derek keltirdi, dep habarlaıdy QazAqparat tilshisi.

«Memlekettik qyzmetterdi alý rásimderin ońtaılandyrý maqsatynda 17 qyzmet túri boıynsha eksaýmaqtyq qaǵıdatyn engizildi. ıAǵnı, azamattar ornalasqan jerine qaramastan memlekettik qyzmetti alý úshin kez kelgen halyqqa qyzmet kórsetý ortalyǵyna júgine alady. Mysaly, Nur-Sultan qalasynyń turǵyny ýaqytsha Almatyda turyp, kez kelgen halyqqa qyzmet kórsetý ortalyǵyna baryp, ózine tıesili áleýmettik tólemdi alýǵa ótinish bere alady. 2021 jyldyń tórtinshi toqsanynda 22,6 myńnan astam azamat eksaýmaqtyq qaǵıdat boıynsha qyzmet aldy», -dedi vedomstvo basshysy.

Mınıstrdiń málimeti boıynsha, operatsııalyq shyǵyndardy únemdeý úshin bir azamatqa taǵaıyndalǵan birneshe áleýmettik tólemderdi bir tólemge biriktirip aýdarý tájirıbesi sátti iske asqan.

«Sonyń arqasynda 2021 jyldyń 7 aıynda 3 mlrd teńge únemdedik. Al jyl saıyn 6 mlrd teńge únemdeletin bolady. Sondaı-aq, ol bala týýmen baılanysty proaktıvti formattaǵy qyzmetterdiń úlesi 12-den 53%-ǵa óstkenin atady. Mysaly, byltyr 440 myńǵa jýyq bala dúnıege kelse, onyń ishinde 233 myń balanyń anasy áleýmettik tólemderdi uıaly telefon arqyly proaktıvti túrde alǵan.», – dedi Serik Shápkenov.