Birikken «Qazavtojol» men «Qazaqavtodor» jańa tujyrymdamasyn tanystyrady
ASTANA. QazAqparat – «QazAvtoJol men «Qazavtodor» birlesken kompanııasy birneshe jylǵa arnalǵan avtojoldy damytýdyń jańa tujyrymdamasyn tanystyrady. Bul týraly «Qazavtojol» ulttyq kompanııasynyń baspasóz hatshysy Lázzat Stamǵazıeva málim etti, dep habarlaıdy QazAqparat tilshisi.
«Búgin elordada «Kaztraffic-2022» halyqaralyq kórmesi ótip jatyr. Kórmege alys-jaqyn shetelderden ókilder keldi. Sharanyń maqsaty – sheteldik áriptestermen tájirıbe almasý. Biz osy sekildi kórmelerdi jıi ótkizý kerek dep oılaımyz. Bıyl avtojol salasyna syn pikirler aıtyldy. Osy oraıda búgingi kórme bizge tájirıbe almasýda mańyzy zor. Kórmege sheteldik kompanııalar ózderiniń arnaıy tehnıkalaryn ákeldi. Jol salasy men tehnıkaǵa qatysty ózekti máseleler ortaǵa salynady», - dedi kórmeniń ashylýynda «Qazavtojol» baspasóz hatshysy Lázzat Stamǵazıeva.
Eske salsaq, bıyl shilde de Memleket basshysy Qazaqstannyń birtutas avtojol kompanııasyn qurý qajettigi týraly aıtqan edi.
Úkimetke «QazAvtoJol» jáne «Kazahavtodordy» biriktirip, Qazaqstannyń birtutas avtojol kompanııasyn qurýdy tapsyramyn. Nátıjesinde qyzmetkerlerdiń sany da qysqaratyn bolady», - degen edi Qasym-Jomart Toqaev.
