Birikken Arab Ámirlikteriniń áýe kompanııasy oraza kezinde azyq-túlik salynǵan qorap taratýda
Áýe kompanııasy eldegi tamaq jetkizip beretin meıramhanany izdeý platformasy Zomato kompanııasymen seriktesti. Osy arqyly COVID-19 juqtyrý qaýpi bar ortadaǵylarǵa tamaq jetkizilmek. Onyń qatarynda aýrýhanadaǵylar, jumys istep turǵan kásiporyndar, eriktiler uıymdary jáne muqtaj otbasylar bar.
Dúısenbide áýe kompanııasy COVID-19 pandemııasynan zardap shekken nemese qarjydan taryqqandarǵa Zomato qosymshasy arqyly Etihad Ramadan-nyń bir qorabyn suraı alatynyn jetkizdi.
«Ramazan – dostarmen, otbasymen kezdesetin ýaqyt. Alaıda pandemııa kezindegi qıyn jaǵdaıdy eskersek, bıyl olaı jınalý múmkin emes. Bul qıyn kezde qonaqjaılyǵymyzdy jáne medıtsınalyq qyzmetkerlerge, pandemııaǵa qaramastan, eńbek etip júrgenderge degen qamqorlyǵymyzdy jurtshylyqtyń sezingenin qalaımyz», - dedi Etihad Aviation Group kommertsııalyq dırektory Robın Kamark.
Eriktiler, densaýlyq saqtaý jáne basqa uıymdardyń qyzmetkerleri Zomato jetkizetin daıyn taǵammen qatar azyq-túlik jáne tamaq isteýdiń qarapaıym retsepti salynǵan taǵy bir qorap alady.
«Biz qazirgi kezde qoldaýǵa muqtaj adamdar bar ekenin bilemiz. Etihad Airways-pen seriktestik – olarǵa kómektesý úshin qoldan kelgendi isteýdiń bir amaly. Adam aýyrsa da, jumysynan aıyrylsa nemese jaı ǵana kómekke muqtaj bolsa, onda Etihad Ramadan qoraby qıyn kezdegi qamqorlyqtyń bir belgisi. Biz bul baǵytta Etihad Airways-pen birge jumys istep júrgenimizdi maqtan etemiz», - dedi Zomato-nyń óńirlik dırektory Karl Baz:.
Sondaı-aq, áýe kompanııasynyń áleýmettik jelidegi Etihad@Home paraqshalarynda Etihad Inflight aspazdary as ázirleý sabaqtaryn úıretedi.
