Birikken Arab Ámirlikterinen Taldyqorǵanǵa kelgen jolaýshylardyń eshqaısysynda dene qyzýy bolmady
«11 sáýir kúni saǵat 21-30 da Taldyqorǵan qalasynyń áýejaıyna Shardja qalasynan (BAÁ) reıs qondy. Bul reısti qabyldaý jáne otyrǵyzý Respýblıkalyq shtabpen kelisilgen. Kelgender – Qazaqstannyń azamattary.Olar keıbir jaǵdaılarǵa baılanysty sol jerde qalyp qaldy, kelýshilerdi qabyldaý jáne óńir turǵyndarynyń qaýipsizdigin qamtamasyz etý bizdiń azamattyq boryshymyz», - dedi Qaırat Baımuhambetov.
Áýejaıda kúsheıtilgen sanıtarlyq qaýipsizdik sharasy qabyldandy.
«Borttaǵy barlyq jolaýshy baılanyssyz termometrııa men saýalnamadan ótkizilgen. Kelgen jolaýshylarmen qarym-qatynas barynsha azaıtyldy. Kelgenderdiń arasynda temperatýrasy bar adamdar anyqtalǵan joq, aýrý belgileri bolǵan joq», - dedi ol.
Onyń aıtýynsha, barlyq jolaýshy karantındik statsıonarlarǵa ornalastyrylǵan.
«Kelgen azamattardan zerthanalyq zertteýlerge materıaldar alyndy, dıagnostıkalyq zertteýlerdiń nátıjelesi anyqtalyp jatyr. Karantın aıaqtalǵannan keıin barlyq kelgen jolaýshylar turǵylyqty jerine jóneltiledi. Kelgenderdiń barlyq júgi men jeke zattary, sondaı-aq áýe kemesi, avtobýstar dezınfektsııa ertindisimen óńdeldi. Azamattarymyzdyń qaýipsizdigin qamtamasyz etý boıynsha kúsheıtilgen shara qabyldanýda. Nysandarda polıtsııa posttary qoıyldy, táýlik boıy sanıtarlyq-epıdıologııalyq qyzmet mamandary, medıtsınalyq qyzmetkerler kezekshilikte. Jaǵdaı baqylaýda», - ded oblystyń bas sanıtarlyq dárigeri.
Ol adamdardan tynyshtyqty saqtap, jeke gıgıena erejesin saqtaýdy surady.