Birikken Arab Ámirlikterine Qazaqstan azamattary vızasyz kirý tártibi talqylandy - QR SІM
ASTANA. QazAqparat - Qazaqstandyq tarap jalpyazamattyq pasporttaryn ıelenýshi eki memleket azamattarynyń 30 kúnge deıin vızadan bosatylýyn kózdeıtin qujattyń kúshine enýi úshin memleketishilik rásimderdi aıaqtady. Bul týraly Qazaqstannyń Birikken Arab Ámirlikterindegi Elshisi Qaırat Lama Sharıf BAÁ SІM Konsýldyq qyzmet departamentiniń dırektory ıAser ash-Shımalımen bolǵan kezdesýde málimdedi, dep habarlaıdy QazAqparat.
Óz kezeginde ıAser ash-Shımalı Ámirlikter tarapy da Qazaqstan azamattarynyń BAÁ-ge vızasyz barýyna múmkindik beretin qol qoıylǵan eki jaqty hattamanyń kúshine enýi úshin memleketishilik rásimderdi aıaqtalýǵa jaqyn ekenin habarlady.
QR SІM saıtynyń málimetinshe , 2017 jylǵy qyrkúıekte BAÁ Úkimetiniń qaýlysy bekitilgennen keıin Ámirlikterdiń barlyq memlekettik organdary, sondaı-aq Ábý-Dabı, Dýbaı jáne basqa ámirlikterdiń halyqaralyq áýejaılary bul týraly aqparat alady jáne ózderiniń ishki erejelerine túzetýler men ózgerister engizedi.
BAÁ SІM KQD Dırektorynyń pikirinshe, Qazaqstan azamattary úshin Ámirlikterge vızasyz kirý tártibi shamamen 2017 jylǵy qazan-qarashada kúshine enedi.
Aıta keterligi, 2017 jylǵy 23 mamyrda Astanada Qazaqstannyń Syrtqy ister mınıstri Qaırat Ábdirahmanovtyń Birikken Arab Ámirlikteriniń Syrtqy ister jáne halyqaralyq yntymaqtastyq mınıstri sheıh Abdalla ben Zaıd Ál Nahaıanmen ótken kelissózderiniń qorytyndysy boıynsha QR jáne BAÁ jalpyazamattyq pasporttaryn ıelenýshi azamattarynyń ózara vızasyz saparlary týraly hattamaǵa qol qoıyldy.
2017 jylǵy 20 shildede QR Úkimeti joǵaryda atalǵan 2010 jylǵy 13 mamyrdaǵy úkimetaralyq Kelisimge ózgertýler men tolyqtyrýlar engizý týraly hattamany óz qaýlysymen bekitti.
2017 jylǵy 26 shildede QR SІM dıplomatııalyq arnalar arqyly BAÁ syrtqy saıası vedomstvosyna eki jaqty Hattamanyń kúshine enýi úshin qajetti memleketishilik rásimderdiń Qazaqstanda aıaqtalǵany týraly habarlady.
