Birikken Arab Ámirlikterinde oqýshylar onlaın bilim berýge kóshirildi
ASTANA. QazAqparat - Birikken Arab Ámirlikteriniń Bilim jáne adam damýy jónindegi basqarmasy mektep oqýshylaryn onlaın oqytýǵa alǵashqy lıtsenzııa berdi, dep habarlaıdy QazAqparat AZERTADJ-ǵa silteme jasap.
Lıtsenzııa Dwight Global Online School mektebine berilgen.
Bul bastama «Dýbaı 10X» baǵdarlamasy aıasynda iske asyrylyp jatqan Rahhal jobasynyń bir baǵyty. Budan bylaı, BAÁ-de balany onlaın oqytýǵa aýystyrý múmkindigi týady. Aldyn ala derek boıynsha, bul dástúrli bilim berýmen salystyrǵanda áldeqaıda arzan bolady.
Bilim jáne adam damýy jónindegi basqarmanyń Shyǵarmashylyq, baqyt jáne ınnovatsııalar bóliminiń basshysy Hınd Al Mýallanyń málimetinshe, vırtýaldyq bilim berý bastamasy toǵyz aı boıy synaqtan ótkiziledi.
Dýbaıdaǵy Dwight Global Online School onlaın bilim berýdi 7-12 synyp oqýshylaryna usynyp otyr. Onda onlaın rejımindegi sabaqtar, vırtýaldy synyptar, vıdeo, aldyn ala jazylǵan dárister boıynsha oqytý, semınarlar jáne taǵy basqasy qarastyrylǵan. Onymen qosa, sabaqtar kún saıyn emes, aptasyna eki-úsh ret ótedi jáne ár semınar taspaǵa jazylyp, keıin qaıta kórýge múmkindik bolady.
