Birikken Arab Ámirlikterinde maımyl sheshegi vırýsyn juqtyrý oqıǵasy tirkeldi

NUR-SULTAN. QazAqparat - Birikken Arab Ámirlikteri maımyl sheshegi vırýsyn juqtyrý jaǵdaıy anyqtaldy, dep habarlaıdy QazAqparat Euronews aqparat agenttigine silteme jasap

Sonymen qatar juqpaly dert Eýropa elderinde jyldam taralýda. Sársenbi kúni maımyl sheshegi vırýsyn juqtyrý faktileri Chehııa men Slovenııada anyqtaldy, Ulybrıtanııada qazirdiń ózinde 78, al Portýgalııada - 50-ge jýyq oqıǵa tirkelgen.

Frantsııanyń densaýlyq saqtaý mınıstri Brıjıt Býrgınon Lýı Paster ınstıtýtyna baryp, qalyptasqan jaǵdaıdy tótenshe bıologııalyq zertteýler departamentiniń ǵalymdarymen talqylady.

«Bul aýrý kóp jaǵdaıda jeńil túrde ótetinin, al vırýs juqtyrǵandar úıde oqshaýlanatynyn eskergen jón. Eki-úsh aptada jazylyp ketetin aýrý taramas úshin ózin-ózi oqshaýlaý qajet», - dedi Býrgınon.

Aýrýdyń ınkýbatsııalyq kezeńi bir aptadan úsh aptaǵa deıin sozylady. Onyń belgileri – qyzýdyń kóterilýi, bas, bulshyqet aýyrýy, sharshaý jáne búkil denege taralýy múmkin bórtpe.

Keıbir ǵalymdardyń pikirinshe, sheshek aýrýyna qarsy vaktsınatsııa maımyl aýrýynan tıimdi qorǵanys bolýy múmkin.