Birikken Arab Ámirlikterinde qazaqstandyq bıznestiń qyzyǵýshylyǵy arta túsýde
ÁBÝ-DABI. QazAqparat - Qazirgi tańda Birikken Arab Ámirlikterinde Qazaqstannyń ulttyq kompanııalarynyń ókilderi Ámirliktegi áleýetti ınvestıtsııalyq kompanııalarmen qarqyndy kelissózder júrgizýde, dep habarlaıdy «QazAqparat» HAA tilshisi.
QR-nyń BAÁ-degi elshisi Qaırat Lama Sharıf «Feısbýk» jelisindegi jeke paraqshasynda jazǵandaı, Qazaqstan delegatsııalarynyń alǵashqy iskerlik kezdesýi Dýbaıda ótken.
- «Al Habtoor Group» kompanııalar tobynyń tóraǵasy Halaf al-Habtýr «NÝH «Báıterek» AQ korporatıvtik qarjylandyrý departamentiniń dırektory Asat Nurpeıisov jáne «SPK Almaty» UK» AQ basqarma tóraǵasy Murat Dáribaevpen kelissózder júrgizgen. Basqosýda eki jaqty yntymaqtastyqty keńeıtýdiń bolashaǵy, onyń ishinde Qazaqstan aýmaǵynda birlesken jobalardy iske asyrý máselesi jan-jaqty talqylandy, dep habarlady qazaqstandyq dıplomat.
Búgingi tańda «Al Habtoor Group» jyljymaıtyn múlik, qonaq úı bıznesi, avtomobıl ónerkásibi, bilim jáne baspa salasyndaǵy iri kompanııalardyń qatarynda. Solardyń ishindegi «Býrdj al-Arab» qonaqúıiniń qurylysy asa tanymal joba bolyp esepteledi. Bul Dýbaıda týrısterdiń eń kóp tamashalaıtyn ǵımarattarynyń biri.
Halaf al-Habtýrdyń jeke baılyǵy 2 mlrd. dollardan astamǵa baǵalanady.
