Birikken Arab Ámirlikterinde alǵashqy avtomehanık áıel paıda boldy
NUR-SULTAN. QazAqparat - Birikken Arab Ámirlikterindegi (BAÁ) Shardj qalasynyń turǵyny Hýda ál-Matrýshı bul elde alǵashqy kólik mehanıgi bolyp, óziniń jeke sheberhanasyn ashty. Іsker áıeldi kásiporynnyń ashylýymen Ábý-Dabı qalasynyń murager hanzadasy Muhammed ben Zaıd ál-Nahaııan quttyqtady, dep habarlaıdy QazAqparat áıeldiń juma kúni Instagram áleýmettik jelisindegi paraqshasyna silteme jasap.
Senbi kúni jergilikti ýaqyt boıynsha saǵat 13:00-degi jaǵdaı boıynsha, vıdeo áleýmettik jelilerde 120 myńnan astam ret qaralǵan. Jelide jarııalanǵan rolıkte murager hanzada kóliginiń isten shyǵýyna shaǵymdandy. Oǵan jaýap retinde 36 jastaǵy ál-Matrýshı kólik jóndeý isimen 16 jyl aınalysyp júrgenin aıtyp, oǵan buǵan deıin kásip emes, hobbı retinde qaraǵanyn aıtyp otyr.
«Men bul jumysty jaqsy kóremin. Kólik jóndeýmen 16 jyl buryn aınalysa bastasam da, óz sheberhanamdy endi ǵana ashtym», - dep atap ótti ol.
«Elimizde osyndaı tamasha adamdardyń bolǵanyn maqtan tutyp, sizdi qoldaımyz», - dep qosyp ótti ál-Nahaııan.
2012 jyly BAÁ-de elektr poıyzyn júrgizetin alǵashqy mashınıst áıel – 28 jastaǵy Márııam ál-Safar Dýbaı metropolıtenine jumysqa ornalasty.
