Birikken Arab Ámirlikteri men Katarǵa turaqty jolaýshylar reısteri ashyldy
Bul týraly QR Indýstrııa jáne ınfraqurylymdyq damý mınıstrligine qarasty Azamattyq avıatsııa komıtetine silteme jasap habarlady.
Búgingi kúni Qazaqstan men BAÁ arasynda «Eır Astana», «Fly Arystan», «Fly Dubai», «Air Arabia» jáne «Wizz Air Abu Dhabi» áýe kompanııalary aptasyna 46 reısti kelesi baǵyttar boıynsha oryndaıdy:
- Nur-Sultan – Dýbaı, 14 reıs (Eır Astana – A321LR/B767 úlgisindegi áýe kemelerinde kúndelikti negizde 7 reıs, Fly Dubai – B737 úlgisindegi áýe kemesinde kúndelikti negizde 7 reıs);
- Nur-Sultan – Shardja, 4 reıs (Fly Arystan – juma jáne jeksenbi kúnderi A320 tıpti áýe kemesinde 2 reıs, Air Arabia-A320 / A321 tıpti áýe kemelerinde beısenbi jáne senbi kúnderi 2 reıs);
- Almaty – Dýbaı, 17 reıs (Eır Astana-A321LR/B767 úlgisindegi áýe kemelerinde kúndelikti negizde 10 reıs, Fly Dubai-B737 úlgisindegi áýe kemesinde kúndelikti negizde 7 reıs);
- Almaty – Abý-Dabı, 2 reıs (Wizz Air Abu Dhabi – dúısenbi jáne juma kúnderi A320/A321 tıpti áýe kemelerimen 2 reıs);
- Almaty – Shardja, 6 reıs (Fly Arystan – A320 tıpti áýe kemesinde dúısenbi, beısenbi jáne senbi kúnderi 3 reıs, Air Arabia-A320/A321 tıpti áýe kemesinde seısenbi, beısenbi jáne senbi kúnderi 3 reıs);
- Aqtaý – Dýbaı, 2 reıs (Fly Arystan – A320 tıpti áýe kemesinde dúısenbi jáne beısenbi kúnderi 2 reıs);
- Shymkent – Dýbaı, 1 reıs (Fly Arystan – senbi kúnderi A320 tıpti áýe kemesinde 1 reıs).
Budan basqa, qazirgi ýaqytta Qazaqstan men Katar arasyndaǵy turaqty reısterdi «Qatar Airways» áýe kompanııasy Doha – Almaty baǵyty boıynsha A320 áýe kemesinde beısenbi jáne jeksenbi kúnderi aptasyna 2 reıs jıiligimen oryndaıdy.
Reıster sanıtarlyq – epıdemıologııalyq talaptardy qatań saqtaı otyryp jáne áýekompanııa saıtynda jarııalanǵan kestege sáıkes oryndalady.
