Birikken Arab Ámirlikteri Qazaqstanǵa gýmanıtarlyq kómek jiberdi

NUR-SULTAN. QazAqparat - Nur-Sultan qalasyna Birikken Arab Ámirlikterinen gýmanıtarlyq kómek jetkizildi, dep habarlaıdy QazAqparat.

«Medıtsınalyq múlik Qazaqstan Qorǵanys mınıstrligine BAÁ Qarýly Kúshteriniń qolbasshylyǵy arqyly berilip, áskerı bortpen jetkizildi.

Elimizge qaıtarymsyz negizde medıtsınalyq qorǵaý kostıýmderi, maskalar, qolǵaptar jáne dezınfektsııa quraldary berildi. Júktiń jalpy salmaǵy 17,7 tonnany quraıdy.

Gýmanıtarlyq kómek ózara qoldaý kórsetýdiń jalpy qabyldanǵan halyqaralyq tájirıbesi bolyp tabylady. Kúrdeli epıdemıologııalyq jaǵdaı kezinde álemniń barlyq memleketteri áleýmettik-ekonomıkalyq áleýetine jáne geografııalyq qashyqtyǵyna qaramastan ózara kómekke júginedi», - delingen QR Qorǵanys mınıstrliginiń aqparatynda.