Birikken Arab Ámirlikteri 5 mlrd dollar qarjyny izgilikti kómekke jumsaǵan
ASTANA. QazAqparat - Álemdegi eń qaıyrymdy memleket ataǵyna byltyrǵy jylǵy kórsetkishter boıynsha Birikken Arab Ámirlikteri ıe boldy.
Ekonomıkalyq yntymaqtastyq jáne damý uıymynyń qorytyndy esebi boıynsha BAÁ ózge memleketterdiń damýy jolynda kórsetken izgilikti kómek kólemi boıynsha birinshi orynǵa shyǵyp otyr.
Aıta keter jaıt, bul esep 2014 jylǵy málimetterdi qosa qarastyrǵan. Osy ýaqyt aralyǵynda BAÁ atalmysh baǵyt boıynsha 5 mlrd dollar qarjyny gýmanıtarlyq kómekke jumsaǵan.
Eske sala ketsek, bul ataqqa BAÁ osymen ekinshi ret ıe bolyp otyr, dep jazady muslim.kz.
