Birikken Arab Ámirliginde aptap ystyq, rekordtyq 50,5 gradýs tirkeldi
ASTANA. QazAqparat - Birikken Arab Ámirliginde (BAÁ) rekordtyq kórsetkish tirkeldi.
Gulf News gazeti habarlaǵandaı, Ábý-Dabıde maýsymnyń basy úshin rekordtyq deńgeıdegi joǵary aýa temperatýrasy tirkeldi. Munda synap baǵanasy 50,5 gradýs ystyqtyqty kórsetti.
Kúnniń osylaısha aptap ystyq bolýyna Saýd Arabııasynyń shóldi aýdandarynan ystyq aýany ákelgen ońtústik shyǵystan soqqan jel sebep boldy. Bul klımattyq jaǵdaı turǵyndardyń densaýlyǵyna keri áserin tıgizdi, dárigerlerdiń kómegine júgingenderdiń sany artty, dep jazdy basylym. Osyǵan baılanysty aq halattylar Ámirlik turǵyndaryna shuǵyl málimdeme jasady.
Olar múmkindikke oraı dalaǵa shyqpaýǵa, sýdy kóbirek paıdalanyp, kóp qımyldamaýǵa keńes berdi.
