Birikken Arab Ámirliginde 127 kólik soqtyǵysqan úlken jol apaty boldy
ASTANA. 3 sáýir. QazAqparat - Birikken Arab Ámirlikteriniń elordasy Ábý-Dabı qalasyn Dýbaımen baılanystyratyn tas jolda úlken jol apaty boldy - qatarynan 127 kólik soqtyǵysyp qaldy,
dep habarlaıdy RBK agenttigi.
Qalyń tuman sebep bolǵan bul jol-kólik oqıǵasynyń saldarynan 1 adam qaza bolyp, taǵy 60 adam jaralandy.
Soqtyǵysyp qalǵan kólikter kolonnasynyń uzyndyǵy jarty shaqyrymǵa jetken. Nátıjesinde Ámirliktegi kólik kóp júretin bul jol birneshe saǵatqa jabylyp qalǵan.
2008 jyldyń naýryz aıynda dál osy jolda osyndaı úlken jol oqıǵasy tirkelgen edi. Ol kezdegi jol apatyna da tuman sebep bolǵan. Abý-Dabı-Dýbaı tas jolynda ol joly úsh adam qaza bolyp, 300 adam jaralanǵan-tyn.
Birikken Arab Ámirlikterin kók tuman jıi basady, ádette tuman tańerteń túsedi jáne onyń qalyń bolatyny sondaı, áýejaılar áýe qatynastaryn toqtatýǵa májbúr bolady.
