Biri – qalada, ekinshisi – aýdanda: qostanaılyq Pavlenkolar otbasy kúni-túni qyzmette

QOSTANAI. QazAqparat – Qostanaı oblysynda turatyn erli-zaıypty Pavlenkolar karantın ýaqytynda kúndiz-túni jumys isteıdi, dep habarlaıdy QazAqparat.
None
None

Shańyraqtyń otaǵasy Evgenıı Pavlenko – Qostanaı polıtsııa basqarmasynyń ýchaskelik ınspektory bolsa, jubaıy Valentına Qostanaı aýdanynyń ortalyq aýrhanasynda feldsher bolyp jumys isteıdi.

Polıtsııa maıory Evgenıı Pavlenko 12 jyldan beri ishki ister organdarynda qyzmet etedi. Árıne, kez kelgen tártip saqshysy jumys ýaqytynda kóp qıyndyqqa úırengen. Alaıda óńirde karantın engizilgeni - erekshe jaǵdaı. Ýchaskelik polıtsııa ınspektorynyń aıtýynsha, otbasynan jyraqta bolý – qıynnyń qıyny.

«Biz qazir ár aýladaǵy tártipke, azamattardyń qaýipsizdigi úshin jaýaptymyz. Polıtseıdiń mindeti qylmys pen quqyq buzýshylyqtyń jolyn kesý bolsa, endi oǵan tótenshe jaǵdaı ýaqytynda tártip erejelerin saqtaý qosyldy. Jumysymyz tańǵy segizde bastalyp, túngi on ekige deıin sozylady. Bizdiń ákimshilik ýchaskede 4 kólik jáne 2 jaıaý patrýli bar. Qostanaı oblysynyń bas sanıtarlyq dárigeriniń №12 sońǵy qaýlysyna sáıkes, azamattarmen profılaktıkalyq kezdesý júrgizemiz. Turǵyndardan ótinim túsken kezde sanıtarlyq-gıgıenalyq normalardy saqtap baramyz. Polıtsııa posttarynja barlyq qorǵanysh quraldary bar. Eń qıyny – otbasyńnan jyraqqa ketý. Buryn mundaı bolmaǵan. Qazir otbasymmen 8 saǵat qana birgemin», - deıdi tártip saqshysy.

Polıtseılermen qatar qaýip aımaǵynda dárigerlerdiń de júrgeni ras. Valentına Pavlenko da bir aıdan astam ýaqyt qaýyrt jumysqa jegilgen. Ol Qostanaı aýdanyna qatynap jumys isteıdi.

«Balabaqshalar men mektepter jabyldy. Alaıda bizdiń jumys toqtamaıdy. Eki bala tárbıelep otyrmyz. Balalarǵa ájesi qaraıdy. Ony aýyldan arnaıy shaqyrtyp alǵanbyz. Olar úshin alańdaımyz. Úıge kelgende de beti-qolymyzdy muqııat jýyp, balalarymyzdy qushaqqa alamyz. Jumystaǵy qıyndyqty shamaly bolsa da umytqandaı bolamyz», - deıdi dáriger.


Сейчас читают