Birgemiz: Jetisaılyq kásipker jerlesterine 200 qap un taratty

JETІSAI. QazAqparat – Túrkistan oblysynyń Jetisaı aýdanynda jeke kásipker az qamtamasyz etilgen jáne kópbalaly otbasylarǵa 200 qap un taratyp berdi. Іsker azamat elimizdegi tótenshe jaǵdaıǵa baılanysty jarııalanǵan BizBirgemiz aktsııasyna úlesin qosty, dep habarlaıdy QazAqparat tilshisi.

Qazybek bı aýyldyq okrýgine qarasty Á.Ospanov aýylynyń týmasy karantın mezgilinde qıyndyqqa tap bolǵan jerlesterine osylaısha qoldaý bildirýdi jón sanaǵan. Ol óz esebinen taratylǵan undardy Jetisaı qalasy men Qazybek bı aýylyndaǵy áleýmettik jaǵdaıy tómen otbasylarǵa úlestirip berdi.

«Osyndaı qıyn-qystaý kezeńde jerlesterime kómek berýdi azamattyq paryzym dep esepteımin. Eń bastysy - elimiz aman-esen osy qıyndyqty eńserse eken degen nıetim bar»,- deıdi jomart azamat.

Aıta keteıik, Jetisaı aýdanynda koronavırýs juqtyrǵan naýqastar sany 20 adamǵa jetken. Olardyń turǵylyqty jerleri oqshaýlanyp, karantınge jabylǵan. Osy jaǵdaıdy eskergen jergilikti kásipkerler ondaǵy turǵyndarǵa qoldan kelgenshe kómek kórsetip jatyr. Kúni búginge deıin demýshiler esebinen az qamtylǵan otbasylarǵa 10 mıllıonnan astam qarjynyń azyq-túligi jetkizildi.