Birgemiz: Túrkistan oblysy Qostanaıǵa 18 tonna qyryqqabat jetkizdi

QOSTANAI. QazAqparat – Respýblıkalyq «Birgemiz» aktsııasy aıasynda Qostanaıǵa Túrkistan oblysynan 18 tonna qyryqqabat jetkizildi, dep habarlaıdy QazAqparat Nur Otan partııasynyń oblystyq fılıalyna silteme jasap.

Túrkistan oblysyndaǵy jaǵdaıǵa baılanysty qostanaılyq kásipkerler Maqtaaral aýdanyna kómek retinde 20 tonna un jibergen bolatyn. Gýmanıtarlyq kómekti jetkizýge jergilikti «Salamat» jáne «Atameken-Dos» JShS qarjy bóldi. Kásiporyn qoımalarynda partııanyń volonterleri men belsendileri un tıep, dittegen mekenjaıǵa jetkizdi.

«Qostanaı oblysynan barǵan un maqtaaraldyqtarǵa taratyldy. Búgin júk kóligi Qostanaı oblysyna kelip jetti. Onyń ústine bos kelgen joq. Saryaǵash aýdany Tóńkeris aýylynyń turǵyndary Qostanaı oblysynyń az qamtylǵan otbasylary úshin 18 tonna qyryqqabat berip jiberdi», - delingen Nur Otan partııasynyń baspasóz habarlamasynda.

Túrkistannan kelgen qyryqqabat endi jergilikti eldi mekenderdegi az qamtylǵan otbasylarǵa úlestiriledi. Qalalar men aýdandardaǵy fılıaldar jaǵdaıy tómen otbasylardyń tizimin jasaıdy.