BIRGEMIZ: Túrkistan qalasynda 3 myńǵa tarta turǵynǵa 50 myń teńgeden berildi

TÚRKІSTAN. QazAqparat – Elimizde koronavırýs indetiniń aldyn alý, turǵyndardy qoldaý maqsatynda qurylǵan «Birgemiz» respýblıkalyq qoǵamdyq qory arqyly Qazaqstandaǵy eń iri 23 qaladaǵy asa muqtaj 150 myńnan astam kómekpen qamtylýda.

Túrkistan oblysynan tizimge engen Túrkistan qalasynda da turǵyndarǵa 50 myń teńge berile bastady, dep habarlaıdy QazAqparat tilshisi.

«Birgemiz-Turkistan» óńirlik qoǵamdyq qorynyń tóraǵasy Muhamedáli Qorǵanbekovtyń aıtýynsha, eki kúnniń ishinde Túrkistan qalasy boıynsha 2969 otbasynyń esepshotyna 50 myń teńgeden aýdarylǵan. «Halyqbank» arqyly 2223, «Kaspıbank» arqyly 746 turǵynnyń kartochkasyna qarajat túsken. Bul ıgi bastamany respýblıka boıynsha jergilikti ákimdikter men partııa fılıaldary úılestirip jatyr. Bank basshylary da janashyrlyq tanytyp, turǵyndardyń esepshottaryn, bank kartochkalaryn retteýge kómek kórsetti.

Taǵy bir aıta keterligi, nesıe qaryzyna baılanysty buǵattalǵan kartochkalar da tótenshe jaǵdaıǵa baılanysty bosatylǵan. Turǵyndar qıyn kezeńde kómek qolyn sozǵan Elbasyna, «Nur Otan» partııasyna rızashylyqtaryn bildirip jatyr. Partııanyń naqty kómegin sezingen azamattar partııalyq baǵdarlamalarǵa da oń baǵalaryn berýde.

Aıta keteıik, elimizde «Birgemiz» qoǵamdyq qory arqyly 7 kategorııa boıynsha kómek berilmek. Túrkistan qalasynda az qamtylǵan 1326 kópbalaly otbasy men 819 birinshi top múgedegi, múgedek bala kútimimen otyrǵan 1014 otbasy men zeınetaqysy tómen jáne az qamtylǵan 1611 zeınetker, 59 jetim bala men 74 UOS múgedegi men olarǵa teńestirilgender, tyl eńbekkerleri bar. Jalpy sany 4903 otbasy tizimge engizilgen.